مکتوب 218
پیر طریقت کے آداب کو مد نظر رکھنے کے بیان میں مُلا داؤد کی طرف لکھا ہے
میرے عزیز بھائی ! مولانا داؤد کا مکتوب شریف پہنچ کر خوشی کا موجب ہوا ۔ حق تعالیٰ اپنے نبی اور ان کی آل پاک علیہ وعلیہم الصلوۃ والسلام کے طفیل آپ کے ظاہر و باطن کو اپنی مرضیات سے آراستہ و پیراستہ کرے۔
باطنی سبق کے تکرار کرنے اور خواجگان قدس سرہم کے طریقہ پر استقامت کرنے میں ایسا نہ ہو کہ پراگندہ تو جہوں سے فتور پڑ جائے اور اگر بالفرض کچھ ظلمت و کدورت طاری ہو جائے تو اس کا علاج یہ ہے کہ حق تعالیٰ کی پاک بارگاہ میں التجا اور زاری اور نیاز و شکستگی بجالائیں اور اپنے مربی یعنی پیر کی طرف جو اس دولت کے حاصل ہونے کا وسیلہ ہے۔ پورے طور پر متوجہ ہوں اور حضور وغیبت میں اس بڑی دولت کے وسیلوں یعنی پیروں کے آداب کو اچھی طرح مد نظر رکھیں اور ان بزرگواروں کی رضا کو حق تعالیٰ کی رضامندی کا وسیلہ بنا ئیں۔ نجات وخلاصی کا طریقہ یہی ہے۔
والسلام۔
